返回列表 回復 發帖

(河馬仔賽馬專欄)2020/03/08


兩季累績 : - $268279

(以下分析只是河馬仔個人觀點,注數只是河馬仔自己會買的,僅屬參考而已,賽馬沒有必勝,絕不可以孤注一擲或投注過度。)

都係唔係好識買四班馬,都係揀番第11場三班1200米。


1「小太陽」係一隻跑自己而非跑形勢的馬匹,有點傲嬌特點,其實贏輸與否好睇對手強弱,上次基本一對「聚材」「極速王」,再加上早段早早有馬在內鬥燒,影響轉彎驚閃下敗亦有理。其實此駒如自己放頭其實問題不大,有時唔係好明點解上場強行要留。

8「發財寶」雖然係班分漸盡,但近兩場上千四其實戰績比預期強之餘,前段不太有利下亦頂到尾而近,跑千二米用陳嘉熙有磅減回後未必連位置都冇,而上仗賽後慢踱兩星期後再操亦看似有所期待。

6「高耀智星」上場在近乎不可能下力追第二,而上場其實有課期放緩下仍能有好表現,真心算忠心,有回上場經驗後拉叔可能更早找到發力點,當然跑田草千二係比谷草千二及田草直路較少跟據。


四重彩腳
4「美麗友盈」大前次放頭講真都算頂到尾二百先斷,當然該場所贏之對手又非強,但如果今場「小太陽」有心跟一兩隻放頭馬跑的話,呢隻其實可以快過「小太陽」,但都係博第四。
5「莫浪求」都唔明上場點解可以隻「星叻」走三疊都可以入直路過佢頭之後仲要追唔番,本身係唔係咁高有疑問,但加眼罩都可以博佢有點進步。
12「平海掌星」如熱門真的要估,雖然上次叫贏得清脆,但兩仗前對住兩隻三班可勝馬「輝煌芯」「福逸」係明顯被KO,當然隻馬在學習中就真。


其他
「團結精神」上場又遇夢幻DO-RE-MI放頭番哂來,此駒一上80分樓上多現形。「英之星」睇報名同上場部署可能為減分鋪路多。「競駿披星」補出之前有停課之餘,晨操亦有點側頭。「大醇威」跑三疊個場連隻跑三疊的「大俠士」都過唔到,真係買唔落。「喜悅天空」真係未見有走勢。「智愛」就算上場追得好,但連 「行星夢」都過唔到,而且仲有一分而以前又夾阿田多,今場強手又唔算少。


(河馬仔賽馬專欄)2020/03/08真投注紀錄


2020/03/08「河馬仔賽馬專欄」,中都冇用。

是日 : - $17950 + $16225 = - $1725

上年累績 : - $268279 - $1725 = - $270004
今次叫做有錢收啦河馬兄!!
巴里斯
返回列表